• Dieses Thema hat 1 Teilnehmer und 0 Antworten.
Ansicht von 1 Beitrag (von insgesamt 1)
  • Autor
    Beiträge
  • #15730
    Anonym
    Inaktiv

    Da Herrgott der hat d´Menschen gmacht,
    und hot si dabei scho wos dacht,
    a bisserl Lehm is eam dann übrig blieb´n,
    des hot er dann de Engerl geb´n.
    Liabe Engerl mocht´s wos draus,
    mir gengan de Ideen aus…
    Aufteilt worn is dann da Lehm,
    am jeden Engerl hot er wos geb´n,
    oans hot dann ogfangt mit´m Bauch,
    des nächste moant, a Schwanzerl brauchts auch,
    und dann hot oans an Kopf no gmacht,
    und insgeheim a bisserl glacht,
    oa Engerl hot si de Fißerl vorgnumma
    und is auf a bsondere Idee kumma,
    de mach i einfach krumm
    und bastelt no a bisserl rum,
    a anders Engerl formt Ohrwaschal
    und hoit si no a bisserl Lehm aus´m Tascherl.
    Dann war des Viecherl do,
    dann foit eana ei, des Mäderl braucht no an Mo.
    A zwoat´s dann hot a glei no bellt,
    und hom´s an liab´n Gott vorgstellt.
    Der hot si´s dann a glei ogschaut
    und woit no sog´n do hobt´s eich verbaut,
    do miaßt´s no wos draus macha,
    und hert nimma auf mit´m lacha,
    Dene zwoa Viecherl war des wurscht,
    und sand obghaut, si hom ghabt an Durscht.
    Da liabe Gott hot dann drauf gmoant
    und hot vor lauter lacha a scho gwoant,
    wenn des a so is und ihr net hert´s,
    dann ihr zwoa nach Bayern ghert´s.
    an Durscht hobt´s a dauernd, des is scho allerhand,
    drum ghert´s ihr ins Bayernland.
    an Nama werd i eich a no glei geb´n
    ihr soits ab sofort ois “Dackeln” so drunt´n leb´n.
    Ihr foigt´s net, des kon i do herom net hom,
    soin se de Bayern mit eich unt´n rumschlog´n,
    weil de sand a ollawei durschtig und brauchan
    eana Rua,
    do kemt´s hi, do passt´s dazua.

    cop.by Graßer Katharina

Ansicht von 1 Beitrag (von insgesamt 1)
  • Du musst angemeldet sein, um auf dieses Thema antworten zu können.

CONTACT US

We're not around right now. But you can send us an email and we'll get back to you, asap.

Sending

Log in with your credentials

or    

Forgot your details?

Create Account